"Əli Həsənovla görüş yeni mərhələnin başlanğıcıdır"

“Əli Həsənovla QHT-lərin görüşü Vətəndaş Cəmiyyətinin həyatında yeni mərhələnin başlanğıcıdır”

“Azərbaycan Respublikası Prezidenti Administrasiyası ictimai-siaysi məsələlər şöbəsinin müdiri hörmətli Əli Həsənovun QHT-lərlə keçirilən görüşü vətəndaş cəmiyyətinin inkişafı ilə bağlı yeni mərhələnin başlanğıcıdır. Bu mərhələ QHT-lərin də üzərinə böyük məsuliyyət və vəzifələr qoyur”.
Bu sözləri “Vətəninfo.az”a açıqlamasında Beynəlxalq Münasibətlərin Araşdırılması Mərkəzinin sədri, QHT Əməkdaşlıq Alyansının Şura üzvü Rufiz Qonaqov bildirib. QHT sədrinin sözlərinə görə, bu gün ölkədə vətəndaş cəmiyyətinin inkişafı ötən illərlə müqayisədə çox fərqlidir və dinamika günü-gündən artır:
“QHT-hökumət dialoqunun yeni mərhələsinin başlanğıcı isə məhz dünənki görüş sayılmalıdır. QHT-lər də bu görüşdə bir sıra ciddi təkliflər irəli sürdü və Əli müəllim bütün təkliflərə ciddi yanaşılacağını bildirdi. Bu da onun göstəricisidir ki, hakimiyyət QHT-lərin inkişafında, onların maddi-texniki bazasının möhkəmlənməsində, fəaliyyət dairəsinin genişlənməsində maraqlıdır. Hörmətli Əli Həsənov Vətəndaş Cəmiyyətinə kifayət qədər isti və səmimi münasibətini ortaya qoymaqla, Prezident cənab İlham Əliyevin bu sektora olan diqqət və qayğısını bir daha nümayiş etdirdi.

Rufiz Qonaqov daha sonra bildirib ki, bu tip görüşlərin davamlı olması qənaətindədir. Bunu cənab Əli Həsənov özü də bildirdi. Biz inanırıq ki, bu görüşün nəticəsi yaxın zamanda hiss ediləcək və QHT-lərin inkişafında yeni bir mərhələ başlanacaq.