"Fənərbaxça" "Qalatasaray"ın biabırçılığını unutdura biləcəkmi? YENİLƏNİR

Bu gün Avropa Liqasında 1/4 final mərhələsinə start veriləcək. Sportal.az xəbər verir ki, Çempionlar Liqasından fərqli, Avroliqada bu mərhələnin bütün oyunları eyni gündə keçiriləcək.

 Azərbaycanlı futbolsevərlərin bütün diqqəti Türkiyəyə yönələcək. Qardaş ölkənin Avroliqadakı yeganə təmsilçisi "Fənərbaxça" "Şükrü Saraçoğlu" stadionunda "Latsio"nu qəbul edəcək. "Sarı lacivərdlilər" doğma meydan amilindən maksimum yararlanıb, səfər oyununa rahat yollanmaq niyyətindədi. Ona görə də İstanbul klubu evində qol buraxmadan qalib gəlməyə çalışacaq.

Gecənin digər maraqlı oyunu Londonda baş tutacaq. Milli komandamızın üzvü Ruslan Abışovun qış fasiləsində transfer olduğu "Rubin" səfərdə "Çelsi"nin qonağı olacaq.

Qalan iki oyunda isə "Benfika" evində "Nyukasl"ı, "Tottenhem" isə "Bazel"i qonaq edəcək.

Avropa Liqası, 1/4 final mərhələsi

4 aprel 

00:05. "Fənərbaxça" (Türkiyə) - "Latsio" (İtaliya)

00:05. "Benfika" (Portuqaliya) - "Nyukasl" (İngiltərə)

00:05. "Tottenhem" (İngiltərə) - "Bazel" (İsveçrə)

00:05. "Çelsi" (İngiltərə) - "Rubin" (Rusiya)