"Mənim fikrimcə, irəliləməyin yeganə yolu birbaşa danışıqlardır"

İsrailin baş naziri Binyamin Netanyahu Fələstin dövlətinin yaradılmasına sadiqliyini bildirib və Fələstin tərəfini danışıqların bərpasına çağırıb.

Vətəninfo.az-ın məlumatına görə, bu barədə salamnews “İnterfaks”a istinadla xəbər verir.
“Mən uzunmüddətli sülhün bərqərar olmasının yeganə yolu olan "iki dövlət - iki xalq konsepsiyası"na - yəhudi dövləti olan İsrailin tanıdığı, demilitarizasiya olmuş Fələstin dövlətinin yaradılması ideyasına sadiq qalıram.
Mənim fikrimcə, irəliləməyin yeganə yolu birbaşa danışıqlardır. Təəssüf ki, Fələstin hökuməti danışıqlar prosesindən çıxıb", - B.Netanyahu Almaniyanın xarici işlər naziri Frank-Valter Ştaynmayerlə görüşündən sonra bildirib.
İsrailin hökumət başçısı almaniyalı nazirə xahişlə müraciət edib: ”Onlara danışıqlar masası arxasına qayıtmağın lazım olduğunu, ilkin şərtlər olmadan danışıqlar aparmalı olduqlarını söyləyin".