"Qəbələ" və "İnter"in Avroliqadakı rəqibləri bilindi

Vətəninfo.az  xəbər verir ki, Avropa Liqasında ilk 2 təsnifat mərhələsinin püşkü atılıb. ANS PRESS-in məlumatına görə, İsveçrənin Nyon şəhərində keçirilən mərasimdə Avropanın 119 klubunun rəqiblərinə aydınlıq gətirilib.

Püşkatmanın nəticəsinə görə, Azərbaycanın “İnter” klubu Moldovanın "Tiraspol" komandası, “Qəbələ” Bosniya və Hersoqovinanın "Şiroki Biriyeq" klubu ilə qarşılaşacaq. “İnter” və “Qəbələ” yarışa I təsnifat mərhələsindən, “Neftçi” isə II təsnifat mərhələsindən yarışa qatılacaq.

Qeyd edək ki, 1-ci təsnifat mərhələsinin ilk oyunları iyulun 3-də, cavab görüşləri isə iyulun 10-da baş tutacaq.

Vətəninfo.az