1. Miq.az
  2. Quru sərhədlərlə bağlı mühüm xəbər – Gözlənilən qərar verilir?

Quru sərhədlərlə bağlı mühüm xəbər – Gözlənilən qərar verilir?

Quru sərhədlərlə bağlı mühüm xəbər – Gözlənilən qərar verilir?
Tarix: 06.05.2025 11:09
Baxış sayı: 390

Son vaxtlar Bakı-Tbilisi-Bakı qatarının 26–28 may tarixlərində fəaliyyətə başlayacağı ilə bağlı xəbərlər yayılır. Həm Gürcüstan, həm də Azərbaycan tərəfi bu barədə vaxtaşırı səlahiyyətli şəxslərin açıqlamalarına istinadən məlumat verir. Lakin indiyə qədər bu, rəsmi olaraq təsdiqlənməyib. Digər tərəfdən, ölkəmizdə karantin rejimi 1 iyul tarixinədək qüvvədədir. Bu isə bir sıra məqamları sual altında qoyur.

Rəsmi məlumat niyə yoxdur? Gürcüstan və Azərbaycan arasında quru sərhədlərin açılmasına nə mane olur?

Globalinfo.az-a danışan deputat Razi Nurullayev deyib ki, Bakı-Tbilisi-Bakı qatarının açılması məsələsinin vacibliyinə ilə bağlı tərəflər arasında razılaşma əldə olunub:

"Fikrimcə, bu, yazılı şəkildə təsdiqlənməsə də, rəsmi xəbərdir”.
raziiii

Razi Nurullayev

Deputat bildirib ki, mayın 1-dən yollar açılmalı idi:

 

"Bu da Gürcüstan prezidentinin ölkəmizə səfəri zamanı razılaşdırılmışdı. Daha sonra tarix 26-28 may olaraq dəyişdirildi. Çünki 26 may Gürcüstan, 28 may isə Azərbaycanın müstəqillik günüdür. Qatarların həmin vaxtdan fəaliyyətə başlayacağını düşünürəm”.

Deputat Azay Quliyev qeyd edib ki, quru sərhədlər iyulun 1-dək bağlı qalacaq:

1651924017 azay

Azay Quliyev

"Bakı-Tbilisi-Bakı qatarının fəaliyyətə başlamasını da quru sərhədlərin açılması kimi dəyərləndirmək olmaz. Onun hansı rejimdə və necə işləməsi barədə aidiyyəti qurumlar məlumat yaymalıdır. Bu barədə şərhin verilməsi ictimai rəyi səhv istiqamətə yönləndirər”.




Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az