Rusiya ABŞ-ın yeni sanksiyalarını təxribat adlandırdı

Rusiya XİN-i ABŞ-ın tətbiq etdiyi yeni sanksiyalara münasibətini bildirib.

Vətəninfo.az xəbər verir ki, APA-nın "Gazeta.ru”-ya istinadən verdiyi məlumata görə, XİN-dən bildiriblər ki, rəsmi Vaşinqtonun hərəkətləri ABŞ rəhbərliyinin qarşıdurma yolu seçdiyini sübut edir.

"Belə təxribat yönümlü hərəkətlər Rusiya-ABŞ münasibətlərinə ciddi xələl gətirir və dünyada digər problemlərin həllində qarşılıqlı əlaqələri əngəlləyir. Rusiya bu kimi hərəkətləri cavabsız qoymayacaq”, - XİN-in şərhində deyilir.

Qeyd edək ki, ABŞ-ın Maliyyə Nazirliyi Rusiyanın 11 fiziki və 15 hüquqi şəxsinə qarşı sanksiya tətbiq edib. ABŞ hökuməti "qara siyahı”ya düşənləri Krıma qarşı tətbiq edilən sanksiyalara məhəl qoymamaqda günahlandırır.