"Bəzi fz dostlarımıza görə, Fizuli aeroportunun tikilməsinin heç bir iqtisadi - siyasi əhəmiyyəti yoxdur, israfçılıq, filən-bəşməkəndi... Eynilə bu iddialar ilk vaxtlarda  Fizuli - Şuşa magistral yolunun çəkilməsi barədə də səsləndirilirdi. Əslində bunun nə qədər səmərəli iqtisadi əhəmiyyətinin olması, bilavasitə siyasi əhəmiyyətini də şərtləndirir. Bu gün Yuxarı Qarabağa "respublika", "vilayət"... statusunu ləğv etməyin ən optimal üsulu kimi bütün infrastrukturların Aran Qarabağa daşınmasıyla həll olunması ən ağıllı variantlardandı."

"Birincisi, Fizuli - Cəbrayıl rayonlarının yerləşdiyi coğrafiya imkan verir ki, Azərbaycanın nəfinə yeni bir əlverişli regional infrastruktur formalaşsın. Və Yuxarı Qarabağla da iqtisadi cəhətdən əlverişli asılılıq mühitində özünə inteqrativ bağlantılar yaratsın. Bunu əsaslandırmağın əsaslı səbəbləri də var. Çünki həmin şəhərlərin bərpa olunması işində istər Fizuli-Şuşa magistralının, istərsə də Fizuli aeroportunun yükdaşımada əvəzsiz səmərəsi gözləniləndir. Eləcə də işə cəlb olunan yüzlərlə xarici şirkətlərin bölgəyə yerləşdirilməsi və fəaliiyəti üçün əlverişli rahat bir mühitin formalaşması olardı."-deyə Şahin Bağırov bildirir.

Alimin fikrincə, həm də bölgəyə yatırılan sərmayənin sürətli, effektiv və modern inşa olunması Yuxarı Qarabağ əhalisinin erməni kəsiminin, eləcə də onların "qoruyucuları hesab olunan sülhməramlılar"ın bəhanələrini önləmək məqsədi daşıya bilər: