Miq.az axar.az-ın əldə etdiyi məlumata istinadən bildirir ki, Şakir Musayevin vəzifəsi müvəqqəti olaraq direktor müavini Ədalət Həsənova tapşırılıb. Ə.Həsənovun Birliyin çirkli işlərindən tamamilə uzaq, rüşvətə bulaşmayan, təmiz kadr olduğunu isə cəmiyyətdə çox az adam bilmir.

 

Qurumda şöbə müdiri kimi çalışan, Şakir Musayevin "sağ əli” sayılan Ziya Məmmədov, həmçinin Mənsur Bünyadov haqda isə ciddi təftiş aparılır.

 

Redaksiyamızı bilgiləndirən mənbənin sözlərinə görə, Şakir Musayevin çirkli işləri həvalə etdiyi bu şəxslər barədə ölçü götürüləcəyi istisna deyil.

 

Xatırladaq ki, Şakir Musayev martın 11-də işdən azad olunub. Bu qurum Səhiyyə Nazirliyi sistemində çoxsaylı şikayətlər və narazılıq olan korrupsiyalaşmış qurum sayılırdı.