Sakit Donbas: Ukraynada atəşkəs elan olundu

Bu gün səhərdən etibarən Ukrayna hərbçiləri və separatçılar arasında bütün cəbhə boyu atəşkəsə nail olunub.

Vətəninfo.az xəbər verir ki, dekabrın 8-dən 9-a keçən gecə və hətta atəşkəsdən 15 dəqiqə əvvəl bölgədə artilleriya atəşlərinin səsi eşidilirdi.

Bazar ertəsi Ukraynanın müdafiə naziri Stepan Poltorak dekabrın 9-da Minskdə üçtərəfli qrupun Donbasdakı vəziyyətin sabitləşməsinə dair görüşünün baş tutub-tutmamasından asılı olmayaraq Kiyevin atəşkəsə riayət etmək niyyətində olduğunu deyib.

Şənbə günü Ukrayna prezidenti Petr Poroşenko həmin görüşün dekabrın 9-na planlaşdırıldığını bildirmişdi. Separatçı respublikanın nümayəndəsi Denis Puşilin isə görüşü dekabrın 12-nə keçirməyi təklif etmişdi.