AzadlıqRadiosu Ermənistan xidmətinin məlumatına görə, bunu Ermənistan prezidenti Serj Sarkisyan deyib.

Onun sözlərinə görə Azərbaycan prezidenti İlham ƏliyevDağlıq Qarabağ münaqişəsinin sülh yolu ilə həllinə yönəlmiş cəhdləri pozur. "O deyir ki, Ermənistan öz öhdəliklərini yerinə yetirsə, müharibə başlamayacaq. Mən deyirəm ki, bu şantajdır, kompramis yox”, Sarkisyan Parisə səfəri ərəfəsində "Frans-Press” agentliyinə deyib.

"Ermənistanda belə bir ictimai fikir var ki, hərbi əməliyyatların bərpası vaxt, ola bilsin ki, bir neçə həftə və ya ayların məsələsidir. Buna görə də silahlı qüvvələrin baş komandanı və müdafiə naziri müharibəyə hazır olmalıdırlar, hansı ki, sabah da başlaya bilər”, deyə Sarkisyan bildirib.

Amma Sarkisian deyib ki, müharibənin yaxın gələcəkdə bərpa olunacağını düşünmür, eyni zamanda qeyd edib ki, heç nə istisna deyil.

Sarkisyan müsahibəsində bir daha Rusiyanın Azərbaycana silah satmasından narahatlıq bildirib, deyib ki, biz bundan təəssüflənirik, çünki Rusiya Ermənistanın strateji tərəfdaşıdır.

Qarabağ münaqişəsinin həlli ilə ATƏT-in Minsk qrupu məşğuldur.