Savçenkonun anası Merkeldən kömək istədi

Rusiyada həbsdə olan ukraynalı pilot Nadejda Savçenkonun anası Almaniya kansleri Anqela Merkelə məktub yazıb.

Virtualaz.org bildirir ki, bu barədə Almaniyanın "Bild" qəzeti məlumat yayıb. Ana Savçenko Merkeldən onun qızının azad olunması məsələsində yardım istəyib.

“Hörmətli cənab Merkel, mənim qızımı xilas etməkdə yardım edin. Mən birbaşa Sizə müraciət edirəm və ümid edirik ki, Siz mövcud vəziyyətdən çıxmaqda bizə kömək edəcəksiniz”, – deyə Mariya Savçenkonun məktubunda qeyd olunur.

Mariya Savçenko iddia edir ki, onun qızının alibisi var və o, jurnalistlərin ölümündə günahkar deyil.