Türkiyədə PKK terroru bitmək bilmir. Ölkə daxilində PKK-ya qarşı başladılan əməliyyatlarda 1300 nəfər həbs edilib. Şimali İraqda isə PKK hədəfləri artıq 5 gündür ki, bombalanır. Bizimyol.info xəbər verir ki, hər gün gələn şəhid xəbərləri ölkədəki gərginliyi bir az da artırıb. Dünən Hakkarinin Şəmdinli qəsəbəsində terror hücumu zamanı şəhid olan çavuş Ziya Sarpkayanın cənazəsi Bolunun Göynük qəsəbəsinə gətirilib. Şəhidin mərasimində çox təsirli anlar yaşanıb. Şəhidin bacısı Hülya Dəniz mərasimdə çox çətinliklə ayaqda dura bilib. Buna baxmayaraq Dəniz xanım, cənazə başında duran əsgərin göz yaşlarını silib.