Şəhriyar Məcidzadə "Bu mərkəzi yaratmaqda üç məqsədimiz var"

“Bizim vasitəmizlə gənclərdə milli fikir formalaşacaq, söz azadlığının nə olduğunu öyrənəcəklər və daima bir-biriləri ilə ünsiyyətdə olacaqlar”.

Bu haqda”Vətəninfo.az”a yeni yaranan Milli Fikir Mərkəzinin idarə heyyətinin sədri Şəhriyar Məcidzadə məlumat verib:

“Azərbaycanda belə bir mərkəzin açılmasına ehtiyac vardı. Bizim gənclər azad fikir bildirməkdən hər zaman çəkiniblər. Hər şeyi siyasətdə görürlər. Biz də belə bir fikir formalaşıb ki, bütün problemlər siyasi yolla həll edilir. Amma bu belə deyil. Biz gənclərə bunun belə olmadığını öyrədəcəyik. Həm də bu bir məktəb olacaq. Bizim vasitəmizlə gənclərdə milli fikir formalaşacaq, söz azadlığının nə olduğunu öyrənəcəklər və daima bir-biriləri ilə ünsiyyətdə olacaqlar. Bu mərkəzi yaratmaqda 3 məqsədimiz var: gənclərin milli şüurunu genişləndirmək, fikir və söz azadlığını aşılamaq, gənclərin bir-biri ilə əlaqələrini gücləndirmək”.

“İndi belə bir fikir formalaşıb ki, böyük hər zaman ağıllı və haqlıdır. Lakin bu belə deyil. Bizim savadlı və dünyagörüşlü gənclərimiz çoxdur. Onlar öz haqlarını bilməlidirlər və bunu qorumalıdırlar” – deyə Ş. Məcidzadə bildirdi.

Könül İbrahim