Tanınmış İtaliya yazıçısı vəfat edib

Tanınmış İtaliya yazıçısı, ədəbiyyat üzrə Nobel mükafatına namizəd Sebastyan Vassalli iyulun 26-dan 27-nə keçən gecə Novara şəhərində 74 yaşında dünyasını dəyişib. Vətəninfo.az-ın məlumatına görə, Modern.az xarici KİV-ə istinadən bildirir ki, yazıçının dostu, Novara ədəbiyyat araşdırmaları mərkəzinin prezidenti Roberto Çikalanın verdiyi xəbərə görə, yazıçı uzunmüddətli olmasa da, ancaq sağalmaz xəstəlikdən vəfat edib.

Vassalli İtaliya postmodernist nəsrinin parlaq nümayəndələrindən biri sayılırdı. O, Milan universitetinin filologiya fakültəsini bitirib, müasir incəsənətlə bağlı psxoanalizin təsirinə həsr olunmuş diplom müdafiə edib. Tələbəlik illərindən ədəbiyatla məşğul olmağa başlayıb, "Pianura” və "Ant Ed” jurnallarını yaradıb və burada onun şerləri və tənqidi məqalələri çap olunub. 1960-1970-ci illərdə "Gruppo 63”  birliyinin üzvü olub.