Təbrizli gənc yazar Ümid Nəccari Xəzər Universiteti tələbələrinin qonağı oldu. Əvvəlcə tələbələrdən Suqra Əliyeva, Sadiq Mirzəyev, Nərmin Ələkbərova və Günay Nuriyevanın kiçik hekayə və esseləri dinlənildi. Qonaq gənclərin ilk qələm təcrübələri haqqında mülahizələrini söylədi, onların öz duyğu-düşüncələrini yığcam və obrazlı dildə ifadə etmələrini yüksək qiymətləndirdi. Sonra öz qələm təcrübələrindən danışan Ü.Nəccari xalqımızın iki yerə parçalanmasını əks etdirən ağrılı bir şeiri də daxil olmaqla yeni şeirlərini oxudu.