Belçika paytaxtı Brüsseldə əməliyyat zamanı saxlanılan terrorçular yeni hücumlar planlaşdırıbmış. Onların eyni zamanda AES-ləri partlatmaq planı da olub. Bu barədə ilkin məlumatı Belçika polisi yayıb. 

Polisin məlumatına görə, paytaxtın bir neçə rayonunda əməliyyatlar keçirilib. Səhər saatlarında hüquq-mühafizə orqanlarının əməkdaşları 7 şübhəlini saxlayıb. Onların martın 22-də törədilən partlayışla əlaqəli olduğu təxmin olunur. Onlardan 3 nəfəri Brüssel Prokurorluğunun yaxınlığında tutulub. Saxlanan şəxslər maşında oturaraq polisin hərəkətini izləyirmiş. Daha 3 nəfər isə sonra saxlanılıb. Polisin məlumatına görə, minimum 300 nəfər terror təşkilatı olan İŞİD-in düşərgələrində təlim keçib.