Türkiyə-Ermənistan sərhədləri payızda açılır-iddia

“Vətəninfo.az” Türkiyə mətbuatına istinadən xəbər verir ki, Ermənistanda müxalif Erməni Milli Konqresinin parlamentdəki qrupunun nümayəndəsi və Ermənistan Milli Hərəkatı Partiyasının lideri Aram Manukyan payız aylarında Ermənistanla Türkiyə sərhədinin “açılacağına” işarə edib.
Dağlıq Qarabağ problemiylə Türkiyə-Ermənistan sərhədinin açılması məsələsinin bir-biriylə əlaqədar olduğunu deyən erməni siyasətçi “Bu payızda sərhədlərin açılması məsələsində sürətli proseslərin baş verməsi ehtimalı yüksəkdir”, – deyib.
Bölgədə gərginliyin artmaqda olduğunu və Ermənistanın bu prosesdən kənarda qalmayacağını deyən Manukyan əlavə edib: “Türkiyə-Ermənistan sərhədinin açılması payızda əsas prioritetlərdən biri olacaq. Bu da Dağlıq Qarabağ probleminin həllində əsas faktorlardan biridir”.