Türkiyə silkələndi

Türkiyədə 5,1 maqnituda gücündə olan zəlzələ baş verib.

Vətəninfo.az-ın məlumatına görə, Egey dənizində yerləşən Midilli adası sahilində “Rixter” cədvəli üzrə 5,1 bal gücündə zəlzələ meydana gəlib. Yeraltı təkan İzmirin bütün bölgələrində hiss edilib. Zəlzələnin zəif olması sakinlərdə təşviş yaratmayıb. Boğaziçi Universiteti “Kandilli” Rəsədxanası və Zəlzələ Araşdırma İnstitutu Milli Zəlzələ İzləmə mərkəzinin açıqlamasında, zəlzələnin Bakı vaxtı ilə 05:45-də episentrdə 5,1 bal gücündə olduğu, ocağının yerin 12 kilometr dərinlikdə yerləşdiyi bildirilir. Üç ardıcıl yeraltı təkan qeydə alınıb ki, bunu İzmirlə yanaşı, İzmit şəhərinin sakinləri də hiss edib.

Dağıntı və xəsarət alanlar barədə məlumat verilmir.