Turqut Özalın öldürüldüyü təsdiqləndi

"Kanal 24"-ün canlı verilişinə telefonla qatılan telekanal rəhbəri İgid Bulud, Turqut Özalın ölümü ilə bağlı açıqlanan hesabatı dəyərləndirib.

"Vətəninfo.az"ın məlumatına görə, Bulud deyib: "Bu, uzun zamandır ictimaiyyət arasında müzakirə edilən bir mövzudur. Əhməd Özalın açıqlamaları ilə birlikdə daha çox müzakirə olunmağa başlanmış, sonrasında da əlaqədar təşkilatlar hərəkətə keçmişdi. Bu hesabat sürpriz olmadı. Mən də bu mövzuyla əlaqədar bir neçə köşə yazısı qələmə almışdım, Turqut Özalın öldürüldüyünü düşündüyümü söyləmişdim və bu hesabat da mənim yazdıqlarımı təsdiq edən bir özəlliyə malikdir. Məncə, daha artıq əhəmiyyətli olan, Turqut Özalın hansı səbəbdən öldürüldüyünü araşdırmaqdır. Xatırlayarsınız, bir həftə əvvəl də Atatürkün öldürülmüş ola biləcəyinə dair şübhələr və bəzi fotoşəkillər ortaya çıxmışdı və müzakirə edilməyə başlanmışdı. Daha sonra yenə bu günə baxdığımız zaman bəzi jurnalistlər "egsoz zəhərlənməsindənmiş, nə var bunda?" desə də... Muhsin Yazıcıoğlunun vertolyotunun saatlarla, günlərlə tapıla bilməməsi də şübhəli bir durumdur. Bunların araşdırılması lazımdır".