”Ukrayna ilə Azərbaycanı bir çox məqamlar birləşdirir”

Təbii ki, əgər fakt təsdiqlənsə, bu münasibətlərə xələl gətirəcək.

Bu sözləri “Vətəninfo.az”a Azərbaycan Milli Strateji Təhqiqatlar Mərkəzinin sədri, politoloq Natiq Miri Ukraynanın Ermənistana silah satması ilə bağlı yayılan xəbəri şərh edərkən bildirib.

“Hesab edirəm ki, bu, Rusiyanın təhriki ilə olub. Bildiyiniz kimi, hazırkı prezident Rusiyanın Ukraynadakı vəkili kimi özünü aparır.Bir də Azərbaycanın Ukraynaya etdiklərinin yanında bu cür qarşılığın olması doğru və ciddi deyil. Bu cür qeyri ciddi adamlarla bu cür ciddi işlər yeriməz.

Amma münasibətlərə xələl gəlsə belə, bu növbəti hakimiyyətin dəyişməsinə qədər olacaq. Çünki Ukrayna ilə Azərbaycanı bir çox məqamlar birləşdirir”,-deyə Natiq Miri qeyd edib.

Elnur Eltürk