“Xocalı soyqırımı barədə onun bir dənə bəyanatı belə olmayıb”

Avropa İttifaqının genişlənmə məsələləri üzrə komissarı və Azərbaycana qarşı öz “məhəbbəti” ilə seçilən cənab Ştefan Fülenin Cənubi Qafqazda gedən proseslərə münasibəti tam fərqlidir və fərqlilikdən daha çox qərəzlidir.

Vətəninfo.az xəbər verir ki, Azərbaycanın Prezident Administrasiyasının rəhbərinin müavini, xarici əlaqələr şöbəsinin müdiri Novruz Məmmədov facebook sosial şəbəkəsində avropalı diplomat Ştefan Fülenin Azərbaycana qarşı münasibətilə bağlı fikirlərini bölüşüb.

 “Cənab Füle heç bir vaxt Azərbaycanda gedən böyük, müsbət proseslər haqda bir cümlə belə deməyib. Bu günə kimi Dağlıq Qarabağ münaqişəsi, Ermənistanla Azərbaycan arasında gedən danışıqlar prosesi, münaqişənin beynəlxalq hüquq çərçivəsində, BMT Təhlükəsizlik Şurasının qətnamələrinə uyğun həlli barədə bir dənə olsun belə bəyanatını tapa bilməzsiniz. Yaxud, bir milyondan artıq qaçqın və məcburi köçkünlər, Xocalı soyqırımı barədə onun bir dənə bəyanatı belə olmayıb”.

Elnur Eltürk

Vətəninfo.az