Özbəkistanda prezident seçkilərinə start verildi

Dekabrın 26-da Özbəkistan Mərkəzi Seçki Komissiyasının (MSK) iclasında ölkədə prezident seçkiləri ilə bağlı kampaniyaya start verildiyi bildirilib.

Bu barədə Daşkənddə keçirilən mətbuat konfransında MSK-nın sədri Mirzə-Uluqbek Abdusalamov məlumat verib.

M.U.Abdusalamov deyib ki, iclasda “Özbəkistan Respublikasında prezident seçkiləri haqqında” Qanuna uyğun olaraq 2015-ci il martın 29-da ölkədə prezident seçkilərinin keçirilməsi haqqında qərar qəbul edilib. O bildirib ki, iclasda prezident seçkilərinə hazırlıq və bu böyük siyasi kampaniyanın keçirilməsi üzrə Tədbirlər Planı da təsdiq olunub.