12 yaşlı "Cim Bom" azarkeş həyəcandan öldü

Ötən gün Türkiyə Superkuboku çərçivəsində keçirilən "Qalatasaray" - "Fənərbağça" oyunu 12 yaşlı azarkeşin ölümünə səbəb olub

 “Vətəninfo.az” Türkiyə mətbuatına istinadən xəbər verir ki, Mersin şəhərinin Bozyazı qəsəbəsində derbi matçını izləyən Ömər Baha Dəniz "Qalatasaray"lı futbolçu Umut Bulutun ilk qolundan sonra infarkt keçirib.

Qoldan dərhal sonra eyvana çıxan Dəniz "Qalatasaray"ın şərəfinə petarda yandırıb. Həmin anda vəziyyəti pisləşən 12 yaşlı "Cim Bom" azarkeşi infarkt keçirərək yerə yıxılıb. Dənizi dərhal yaxınlıqdakı xəstəxanaya aparsalar da, onun həyatını xilas etmək mümkün olmayıb.

Qeyd edək ki, Dənizin iyulun 15-də "facebook" sosial şəbəkəsində "Bu komanda üçün ölərəm..." sözlərini yazması da yaxınlarını kədərə boğub.

Əlavə edək ki, "Qalatasaray" - "Fənərbağça" oyunu 3:2 hesabı ilə birincilərin xeyrinə başa çatıb.