15 vəsiqə üçün son 52 oyun

Sabah Avropada növbəti futbol həftəsinə start veriləcək.

Vətəninfo.az-ın Apasport.az-a istinadən məlumatına görə, 6 gün ərzində AVRO-2016-nın seçmə mərhələsinin son 52 qarşılaşması baş tutacaq.

 Mərhələnin son matçları Fransada keçiriləcək həlledici raunda birbaşa vəsiqələrin sahiblərinin tam siyahısına aydınlıq gətirəcək. Çexiya, İslandiya, İngiltərə və Avstriyanın ardından qruplarında ilk iki yeri tutan daha 14 komanda, həmçinin ən yaxşı 3-cü yerin sahibi də qarşıdakı oyunlarda bilinəcək. Gələn ay baş tutacaq pley-offa yüksələn 8 yığmanın da adı bu 52 görüşdə bəlli olacaq.

 Azərbaycan yığmasının yer aldığı H qrupunda artıq oktyabrın 10-da ilk iki yerin sahibinin adına aydınlıq gələ bilər. Bakıda yığmamızın qəbul edəcəyi İtaliya qələbə ilə Fransaya bileti sifariş etməyə yaxındı. Maltanı sınağa çəkəcək Norveç isə Xorvatiyanın xal itirəcəyi halda AVRO-2016-ya yüksələcək. Sonuncuların uduzmaması isə Bolqarıstanın play-offa cüzi şanslarının üstündən xətt çəkəcək.

 A qrupunda yalnız pley-offa vəsiqə verən 3-cü yer uğrunda mübarizə davam edəcək. Çexiya ilə İslandiya Fransaya vəsiqəni təmin etdiyindən Türkiyə və Hollandiya üçüncülük üçün qiyabi "savaşacaq”. Qonşu ölkə təmsilçisi 2 xal öndə olsa da, son qarşılaşmalarını qrup liderlərinə qarşı keçirəcəyindən çətin vəzifənin öhdəsindən gəlməlidi.

 B qrupunda isə 4 komanda şanslarını qoruyur. Amma Uelslə Belçikanın birbaşa vəsiqələrə sahib çıxmaq şansları daha yüksəkdi. Britaniyalılar artıq ilk oyununda qalib gəlsə, bunun öhdəsindən gələcək. C qrupunda vəsiqələrdən birini böyük ölçüdə həll edən İspaniyanın bit ayağı Fransadadı. Slovakiya ilə Ukrayna 2-3-cü yerlərin sahibini qiyabi mübarizədə müəyyənləşdirməlidi.

 D qrupunda Almaniya il Polşa artıq sabah final mərhələsinə yüksələ bilər. Pley-off şansları cüzi olan Şotlandiya isə İrlandiyanın ilk iki pillədəki rəqiblərlə qarşılaşmalarda büdrəməsinə ümid edir. E qrupunda ilk vəsiqəni İngiltərə qazandığından mübarizə 2-3-cü yerlər uğrunda İsveçrə və Sloveniyanın mübarizəsinə qoşulmaq şanslarını qoruyan Estoniya daha çox möcüzəyə ümid edir. Çünki Baltikyanı ölkə təmsilçisinin İngiltərədəki ilk matçında uduzması onların ümidlərinin üstündən xətt çəkə bilər.

 F qrupunda Şimali İrlandiyanın iki vəsiqədən birini əldə etməyə çox yaxındı. Ada təmsilçisi bunu sabah autsayderə qalib gəlsə də gerçəkləşdirəcək. Rumıniya ilə Macarıstanın 2-ci yer uğrunda mübarizə apardığı halda, Finlandiya yalnız pley-offa ümidlidi. Avstriyanın 1-ci yeri təmin etdiyi G qrupunda Rusiya, İsveç və Monteneqro birbaşa və pley-offa vəsiqə uğrunda "döyüşəcək”. Bu mübarizədə daha şanslı olan Rusiyanın balkanlılarla qarşılaşması bu baxımdan böyük əhəmiyyətə malikdi. İ qrupunda ilk "üçlük” müəyyənləşsə də Danimarka, Portuqaliya və Albaniyanın birbaşa vəsiqələr üçün mübarizəsi davam edir. Lakin sabah albaniyalılar qalib gəlsə, danimarkalılar isə liderlə matçda xal itirsə, şimallılar 3-cü yerlə kifayətlənəcək.

 

AVRO-2016-nin seçmə mərhələsi

D qrupu

8 oktyabr

21:00. Gürcüstan – Cəbəllütariq

23:45. İrlandiya – Almaniya

23:45. Şotlandiya – Polşa

11 oktyabr

23:45. Almaniya - Gürcüstan

23:45. Cəbəllütariq - Şotlandiya

23:45. Polşa - İrlandiya

 

1.	Almaniya	8	6	1	1	22-7	19
2.	Polşa	8	5	2	1	29-7	17
3.	İrlandiya	8	4	3	1	17-5	15
4.	Şotlandiya	8	3	2	3	14-10	11
5.	Gürcüstan	8	2	0	6	5-14	6
6.	Cəbəllütariq	8	0	0	8	2-46	0

 

F qrupu

8 oktyabr

23:45. Macarıstan – Farer adaları

23:45. Şimali İrlandiya - Yunanıstan

23:45. Rumıniya – Finlandiya

11 oktyabr

23:45. Farer adaları - Rumıniya

23:45. Finlandiya – Şimali İrlandiya

23:45. Yunanıstan - Macarıstan

 

1.	Ş. İrlandiya	8	5	2	1	12-6	17
2.	Rumıniya	8	4	4	0	7-1	16
3.	Macarıstan	8	3	4	1	6-4	13
4.	Finlandiya	8	3	1	4	7-8	10
5.	Farer adaları	8	2	0	6	5-12	6
6.	Yunanıstan	8	0	3	5	2-8	3

 

İ qrupu

8 oktyabr

23:45. Albaniya – Serbiya

23:45. Portuqaliya – Danimarka

11 oktyabr

23:45. Ermənistan – Albaniya

23:45. Serbiya - Portuqaliya

 

1.	Portuqaliya	6	5	0	1	8-4	15
2.	Danimarka	7	3	3	1	8-4	12
3.	Albaniya	6	3	2	1	7-3	11
4.	Ermənistan	7	0	2	5	5-11	2
5.	Serbiya	6	1	1	4	5-11	1

 

C qrupu

9 oktyabr

23:45. Makedoniya - Ukrayna

23:45. Slovakiya - Belarus

23:45. İspaniya - Lüksemburq

12 oktyabr

23:45. Belarus - Makedoniya

23:45. Lüksemburq - Slovakiya

23:45. Ukrayna - İspaniya

 

1.	İspaniya	8	7	0	1	18-3	21
2.	Slovakiya	8	6	1	1	13-5	19
3.	Ukrayna	8	5	1	2	12-3	16
4.	Belarus	8	2	1	5	7-14	7
5.	Lüksemburq	8	1	1	6	4-19	4
6.	Makedoniya	8	1	0	7	6-16	3

 

E qrupu

9 oktyabr

23:45. İngiltərə - Estoniya

23:45. Sloveniya - Litva

23:45. İsveçrə - San-Marino

12 oktyabr

23:45. Estoniya – İsveçrə

23:45. Litva – İngiltərə

23:45. San-Marino - Sloveniya

 

1.	İngiltərə	8	8	0	0	26-3	24
2.	İsveçrə	8	5	0	3	16-8	15
3.	Sloveniya	8	4	0	4	15-10	12
4.	Estoniya	8	3	1	4	4-6	10
5.	Litva	7	2	0	5	4-13	6
6.	San Marino	7	0	1	6	0-25	1

 

G qrupu

9 oktyabr

23:45. Lixtenşteyn - İsveç

23:45. Moldova - Rusiya

23:45. Monteneqro - Avstriya

12 oktyabr

21:00. Avstriya - Lixtenşteyn

21:00. Rusiya – Monteneqro

21:00. İsveç - Moldova

 

1.	Avstriya	8	7	1	0	16-3	22
2.	Rusiya	8	4	3	2	17-4	14
3.	İsveç	8	3	3	2	11-9	12
4.	Monteneqro	8	3	2	3	8-8	11
5.	Lixtenşteyn	8	1	2	5	2-21	5
6.	Moldova	8	0	2	6	3-12	2

 

A qrupu

10 oktyabr

21:00. İslandiya - Latviya

21:00. Qazaxıstan - Hollandiya

23:45. Çexiya – Türkiyə

13 oktyabr

23:45. Latviya - Qazaxıstan

23:45. Hollandiya - Çexiya

23:45. Türkiyə - İslandiya

 

1	İslandiya	8	6	1	1	15-3	19
2.	Çexiya	8	6	1	1	16-10	19
3.	Türkiyə	8	3	3	2	11-9	12
4.	Hollandiya	8	3	1	4	13-10	10
5.	Latviya	8	0	4	4	4-15	4
6.	Qazaxıstan	8	0	2	6	5-16	2

 

H qrupu

10 oktyabr

21:00. Azərbaycan - İtaliya

21:00. Norveç - Malta

23:45. Xorvatiya - Bolqarıstan

13 oktyabr

23:45. Bolqarıstan – Azərbaycan

23:45. İtaliya - Norveç

23:45. Malta - Xorvatiya

 

1.	İtaliya	8	5	3	0	11-5	18
2.	Norveç	8	5	1	2	10-8	16
3.	Xorvatiya	8	4	3	1	16-5	14*
4.	Bolqarıstan	8	2	2	4	7-9	8
5.	Azərbaycan	8	1	3	4	6-13	6
6.	Malta	8	0	2	6	3-13	2

* - Xorvatiyanın hesabından 1 xal silinib.

 

B qrupu

10 oktyabr

23:45. Andorra - Belçika

23:45. Bosniya və Herseqovina - Uels

23:45. İsrail - Kipr

13 oktyabr

23:45. Belçika - İsrail

23:45. Kipr – Bosniya və Herseqovina

23:45. Uels - Andorra

 

1.	Uels	8	5	3	0	9-2	18
2.	Belçika	8	5	2	1	17-3	17
3.	İsrail	8	4	1	3	14-9	14
4.	Bosniya və H.	8	3	2	3	12-10	11
5.	Kipr	8	3	0	5	12-13	9
6.	Andorra	8	0	0	8	3-30	0