49 ölkənin idmançıları Bakıya gələcək

Bakıda keçiriləcək Avropa Olimpiya oyunlarında 49 ölkə iştirak edəcək. 

İsrail Olimpiya Komitəsinin prezidenti, Avropa Olimpiya Komitəsinin olimpiya oyunları komissiyasının rəhbəri Efraim Zinger Azərbaycanda səfərdədi. Bu münasibətlə aprel ayının 4-də İsrail Dövlətinin ölkəmizdəki səfirliyində mətbuat konfransı keçirilib.

İsrail Dövlətinin ölkəmizdəki fövqəladə və səlahiyyətli səfiri Rafael Harpaz iki ölkə arasındakı əlaqələri yüksək qiymətləndirib, Azərbaycanda idmana göstərilən diqqət və qayğının əhəmiyyətini vurğulayıb.

Efraim Zinger vurğulayıb ki, 2015-ci ilin iyun ayında Bakıda keçiriləcək birinci Avropa Oyunlarında 49 ölkə iştirak edəcək. Yarış 14 gün davam edəcək.
Təzadlar