Ağacan Əbiyev olimpiadadan qovuldu - ŞOK

Azərbaycan Boks Federasiyasının vitse-prezidenti Ağacan Əbiyev əlavə izah verilmədən oyunlardan uzaqlaşdırılıb. "Vətəninfo.az" “Associated Press”-ə istinadən verdiyi xəbərə görə, boksun idarəedici orqanı olan AİBA Ağacan Əbiyevin nə üçün Olimpiadadan uzaqlaşdırıldığına dair şərh verməyib.

“Reuters” agentliyinin əməkdaşları Əbiyevin Olimpiadadan uzaqlaşdırılmasının səbəblərini dədiqləşdirib.

Məlum olub ki, Əbiyev yarış zamanı dəfələrlə Azərbaycan Boks Federasiyasının Olimpiadakı təmsilçiləri və bokçuları ilə ünsiyyətə cəhddə günahlandırılır.  Qeyd edək ki, Ağacan Əbiyev həm də Beynəlxalq Həvəskar Boks Federasiyasının (AİBA) texniki komitəsinin üzvüdür. Olimpiadada o, AİBA-nı təmsil etdiyinə görə, belə bir hüququ olmayıb. Nəticədə AİBA onu qurumun davranış kodeksini pozduğuna görə cəzalandırıb.

Bu arada Əbiyev  AİBA təmsilçilərinin qaldığı oteldən də çıxarılıb. Bu barədə qərarı AİBA-nın prezidenti Çinq-Kuo Vu şəxsən verib.