İnternetdə "Jurnalist üçün Airbnb" yaradılıb

Vətəninfo.az-ın məlumatına görə, AZƏRTAC "lenta.ru" saytına istinadla xəbər verir ki, yeni servis vasitəsilə kütləvi informasiya vasitələrində çalışan jurnalistlər bütün dünya üzrə əməkdaşlıq əlaqələri qura bilərlər. Bu platforma hadisə yerində olan ştatdankənar müxbirlərin, fotoqrafların, video operatorların redaktorlarla əlaqəsini yaradır. Servis müxtəlif mövzulara dair ekspertləri tapmağa imkan verir. Layihə hazırda eksperimental rejimdə işləyir. İlkin mərhələdə proqrama daha çox redaksiyaların və jurnalistlərin cəlb olunması planlaşdırılır. Hələ ki, yeni xidmət işçi qrup tərəfindən maliyyələşir. Sonraki mərhələdə bu proqrama sərmayədarlar cəlb olunacaq. Hazırda bu xidmətdən Rusiya və Ukraynada istifadə olunur. Gələcəkdə layihə üzrə işlər İranda və ABŞ-da davam etdiriləcək. Qeydiyyat "Facebook" və "Tvitter" sosial şəbəkələri vasitəsilə aparılır. İşçi qrupun məlumatına görə, proqram daha da təkmilləşdirilir. Resursu HackPack.press. ünvanından əldə etmək mümkündür