"ABŞ sülh lazım olan yerdə müharibə edir, müharibə lazım olan yerdə isə sülhdən danışır"

ABŞ dövlət katibinin Şərqi Avropa, Qafqaz və regional konfliktlər məsələləri üzrə müavini Erik Rubin Brukinqs İnstitutunda Qarabağ problemindən danışıb.

ABŞ rəsmisi bildirib ki, Qarabağ probleminin dinc yolla həllindən başqa variantı yoxdur.

Erik Rubin münaqişənin başqa yollarla həllini dəhşətli adlandırıb və bu yolu nəzərdən keçirməyi belə məsləhət görməyib.

ABŞ rəsmisinin fikirlərini Azərbaycan Sosial Demokrat Partiyasının sədri Araz Əlizadə Ölkə.az-a şərh edib.

Araz Əlizadə: "Harada ki, sülh danışıqları ilə məsələnin həll etmək olmaz, ABŞ həmişə bunu danışıqlar yolu ilə həll etməyə çalışır. O yerdə ki, sülh gətirmək lazımdır, insanları dinc yola çəkmək lazımdır, xüsusən də Şərq ölkələrində, ABŞ onların arasına ədavət salır və onları vətəndaş müharibəsinə sövq edir. Belə olan halda ABŞ dövlət katibinin Şərqi Avropa, Qafqaz və regional konfliktlər məsələləri üzrə müavininin Azərbaycana sülh yolu Qarabağ probleminin həll edilməsini tövsiyə etməsi ən azı həyasızlıqdır".

 Vətəninfo.az