Almaniya ilə münasibətləri gərginləşdirmək Azərbaycana nə verəcək? Rəy

Bu məsələni bu qədər qabartmağı düzgün hesab etmirəm. 

Bu fikirləri Ankaradan sabiq diplomat, siyasi analitik Vurğun Həsənli bildirib: “Ona görə ki, lüzumsuz gərginliklə Avropanın iki aparıcı dövlətindən biri olan Almaniya ilə münasibətlərin korlanması ölkəmiz əleyhinə nəticələnə bilər. Çünki onların əlində hər cür təbliğat və məsələni ictimailəşdirmə mexanizmləri vardır. 

Əlbəttə Almaniyanın bu kimi məsələlərdə sadəcə Azərbaycanı hədəf seçməsi düzgün deyil. Ancaq unutmamalıyıq ki, Almaniya azad dövlətdir və istənilən tənqidə dözümlü olmalıyıq”,-deyə sabiq diplomat qeyd edib.

“Yenə də bildirmək istərdim ki, bu proesesə anında sərt münasibət bildirmədən öncə nəticələrini də hesablamaq lazımdır. Çünki Azərbayca tərəfi iddia edir ki, Almaniya Dağlıq Qarabağa aid səssiz qalır. Amma unutmayaq ki, Almaniya Bundestaqı Minsk Qrupu həmsədr dövlətlərinin etmədiyini edərək, bu il Xocalı Soyqırımını və erməni işğalını pisləmişdir. Almaniya ilə münasibətləri gərginləşdirmək əvəzinə, bu gərginliyə son qoymaq üçün yollar axtarılmalıdır”,-deyə politoloq bildirdi.

Elnur Eltürk