Amerikalı senator: “Azərbaycan və ABŞ biri-birilərinə yaxındırlar”

“Azərbaycan ABŞ-ın həm çətin, həm də yaxşı günündə onunla birlikdə olan azsaylı dövlətlərdəndir”. “Veteninfo.az”-ın məlumatına görə, bunu Vaşinqtonda Azərbaycan-ABŞ münasibətlərinin 20 illiyinə həsr edilən konfransda Nyu-York ştatının Senatdakı təmsilçisi Çak Şumers bildirib. O qeyd edib ki, Birləşmiş Ştatlar ilə Azərbaycan arasında dostluğun daha da möhkəmlənəcəyinə ümidvardır.

“Azərbaycan və ABŞ biri-birilərinə yaxındırlar. Biz Azərbaycan ilə möhkəm dostluq əlaqələri qurmuşuq. Sizin bizimlə İraq, Kosovo və Əfqanıstanda çiyin-çiyinə döyüşdüyünüzü heç vaxt unutmuruq. Azərbaycan ABŞ ilə həm çətin, həm də yaxşı günündə onunla birlikdə olan azsaylı dövlətlərdəndir. Biz bunu heç vaxt unutmamalıyıq. Hamımız terrorla mübarizənin əhəmiyyətini başa düşürük. Hamımız azadlıq bəxş etməyin nə qədər vacib olduğunu bilirik”

Oral MƏDƏNÇİ