Avtobus 600 metr dərəyə yuvarlandı: 17 ölü - Foto

Nepalın paytaxtı Katmandunun 400 kilometr qərbində Pokharakada kəndi yaxınlığında sərnişin avtobusu yoldan çıxaraq 600 metr dərəyə yuvarlanıb.

Vətəninfo.az xəbər verir ki, Nepal polisi qəza nəticəsində avtobusda olan 17 adamın öldüyünü, 50 adamın yaralandığını bildirib.

Bölgədəki xəstəxanalara yerləşdirilən yaralılardan bəzilərinin vəziyyətinin ağır olduğu açıqlanıb. Hökümətin verdiyi məlumata görə, 38 sərnişin tutumu olan avtobusda qəza zamanı 67 adam olub.

Nepalda infrastruktur əskikliyi, köhnə nəqliyyat vasitələrinin istifadəsi və qeyri-kafi yoxlanma səbəbiylə tez-tez yol qəzaları meydana gəlir.

Ölkənin yollarında olan bu acınaqcaqlı vəziyyət fotolorda öz əksini tapır.