“Azərbaycan hökümətində kimsə Riçard Morninqstarın loyal olacağına ümid edirsə,yəqin ki, ümidi boşa çıxacaq”

ABŞ prezidenti administrasiyanın Avrasiya regionunda energetika məsələləri üzrə xüsusi nümayəndəsi Riçard Morninqstarı Azərbaycana səfir postuna namizəd irəli sürüb.  Karnegi Fondunun Qafqaz üzrə analitiki Tomas de Vaalın “Turan”ın müxbiri ilə etdiyi söhbətində Riçard Morninqstarın səfir təyin olunması perspektivlərinə toxunub və bunun Amerika-Azərbaycan münasibətlərinə mümkün təsirlərini şərhini təqdim edir:

Analitik deyib: “Güman edirəm, bu təyinatı Azərbaycan istəyib. Onlar yüksək vəzifəli şəxs istəyiblər, sadəcə, karyeralı diplomat yox. Riçard Morninqstarın namizədliyini irəli sürməklə Vaşinqton uzun müddət Azərbaycanda səfirin olmamasından narahat olan Bakını sakitləşdirmək istəyir. Əgər senator Robert Menendes və Amerika Erməni Milli Assambleyası bu təyinatın qarşısını alsaydı, təəccüblənərdim. Onların Metyu Brayzaya şəxsi iradları var idi. Lakin Riçard Morninqstar ümumqafqaz məsələləri ilə məşğul olmayıb, yalnız energetika ilə məşğul olub.

Riçard Morninqstarın namizədliyi göstərir ki, energetika ABŞ-ın Azərbaycandakı prioritetinə çevrilir. Amma Azərbaycan hökumətində kimsə Riçard Morninqstarın loyal səfir olacağına ümid edirsə, yəqin ki, ümidi boşa çıxacaq. Səfir ABŞ-ın insan haqları, Qarabağ və digər məsələlərə dair siyasətini yalnız təqdim edir, formalaşdırmır. Odur ki, onun insan haqları üzrə hətta ən yumşaq bəyanatına belə məhəl qoyulmaya bilməz”.

Vətəninfo.az