Azərbaycan idmançıları təhqir olundu

“Tamaşaçıların beyninə azərbaycanlılar və üfunət anlayışı yanaşı həkk olunur”

Rusiyanın televiziya kanallarında Azərbaycan idmançıları təhqir olunub.  “Vətəninfo.az” xəbər verir ki, “P@G” kampaniyasının “Ambi pur” aromatizatorları barədə reklam rolikində Güləş üzrə Azərbaycan yığma komandası məşq zalında xoşagəlməz iyləri ləğv etmək üçün “Ambi pur” aromatizatorlarından istifadə etdiyi göstərilir. 

Daha sonra gözübağlı zala gətirilmiş xanımlardan buranın hara olduğunu soruşurlar. Onlar isə “yəqin gül-çiçək oranjereyasindayıq” cavabını verir. Gözlərini açarkən özlərini gül-çiçək məkanında yox, hansısa idmançıların məşq zalında görüb, bu mənzərəyə gülürlər. Reklamın zərbə gücü də elə bundadır, yəni “Ambi pur” aromatizatorları bu cür üfunətli yeri belə gülüstana döndərə bilər. Reklamda tamaşaçıların beyninə azərbaycanlılar və üfunət anlayışı yanaşı həkk olunur”.

Qeyd edək ki, həştərxanlı oxucular bu reklam roliki ilə bağlı Rusiyadakı səfirliyimizə də məktub yazdığını və buna son qoyulmasının xahiş etdiklərini bildiriblər.

Qafqazinfo