Azərbaycan Olimpiya Oyunlarında 30-cu oldu

Londonda keçirilən XXX Yay Olimpiya Oyunları başa çatdı.

"Vətəninfo.az" xəbər verir ki, 16 gün ərzində yarışda 302 dəst medal sahibini tapıb. Müxtəlif əyarlı 962 medal 85 ölkə təmsilçilərinə nəsib olub. Onlardan yalnız 54-ü isə çempionluq sevinci yaşayıb. Medal sayında 100-ü arxada qoyan ABŞ yarışın birincisi olub. Çin yığması 2-ci, meydan sahibləri Böyük Britaniya isə 3-cü olub.

Hesabında 2 qızıl, 2 gümüş və 6 bürünc olan Azərbaycan olimpiyaçıları ümumi siyahıda 30-cu yeri tutub. Yığmamız bu mövqeni Polşa ilə bölüb. Komandamızın ən yaxın izləyicisi isə Türkiyə olub.