Azərbaycanlı model: “50 min versələr, pornoya da çəkilərəm”

Azərbaycanlı model Zülfü Hacıyev Türkiyənin məşhur “Damanagement” model agentliyindən dəvət alıb. Bundan əlavə ona Nurgül Yeşilçayla eyni serialda iştirak etmək təklif olunub.

Hələ ki, vücudu üzərində işlədiyini deyən model tezliklə Türkiyəyə yola düşəcək. Model Azər Atakişeyə də cavab verməyi unutmayan Zülfü hətta pornoya çəkilməyi belə ayıb saymadığını söyləyib:

“Azərlə mən eyni jurnal üçün fotosessiya etdirdik. O, mənə söz ataraq heç vaxt çılpaq şəkillər çəkdirməyəcəyini söylədi. Mən də demək istəyirəm ki, əgər insan bu peşə ilə məşğuldursa və bu sahədən gəlir əldə edirsə, lazım olanda soyunmağı da bacarmalıdır. Mənə 50 min manat versələr, porno kinoya da çəkilərəm və bunu ayıb hesab etmirəm”.

A.Atakişiyevin soyunmaq istəməməsini onun kompleksləri ilə əlaqələndirən Zülfü bəzi məsələlərə də aydınlıq gətirib:

“Bəlkə də onun bədən ölçüləri yaxşı deyil. Elə soyunmaq istəməməsinin səbəbi də budur. Maraqlısı isə odur ki, Azər mənə dəvət gələn Türkiyənin model agentliyində işləmək üçün özü müraciət edib”.