Bakı şəhəri üzrə rayon veteranlar təşkilatı sədrlərinin bəyənatı

Tarix: 07.12.2016 09:44
Baxış sayı: 1247

Son vaxtlar ölkənin bəzi saytları və xəbər portalları Azərbaycan Respublikası Müharibə, Əmək və Silahlı Qüvvələr Veteranları Təşkilatının fəaliyyəti, xüsusilə Təşkilatın sədr müavini, ehtiyatda olan polkovnik Cəlil Xəlilov barəsində yalan və böhtan kompaniyası aparırılar. Təşkilat adından KİV-də yayılmış təkziblərə baxmayaraq, eyni xarakterli və məzmunlu yalanların tirajlanması davam etdirilir. Heç bir faktlara əsaslanmayan bu qarayaxmaların tamamilə əsassız olduğunu, kimlər tərəfindənsə məqsədli şəkildə idarə etdilməsini ölkə vetranları qəti şəkildə rədd edirlər.

Əminliklə bildiririk ki, çirkin vasitələrə əl atanlar respublikada yüksək nüfuza malik olan Təşkilatı qarşıda duran mühüm vəzifələrin həllindən yayındırmağa, veteran həmrəyliyinə zərbə vurmağa nail ola bilməyəcəklər.

Respublika Veteranlar Təşkilatı öz fəaliyyətini Nizamnaməsinə, Plenumun və Rəyasət Heyətinin qərarlarına tam uyğun olaraq qurur və noyabr ayının 22-də keçirilən növbəti Plenum veteranların Təşkilat ətrafında sıx birləşdiklərinin bir daha əyani sübutu oldu. Respublika Veteranlar Təşkilatının fəaliyyətinin ölkə rəhbərliyi tərəfindən yüksək qiymətləndirilməsi, veteranların sosial müdafiəsinin və Təşkilatın maddi-texniki bazasının möhkəmləndirilməsi istiqamətində atılan ardıcıl addımlar da bunu aydın göstərir. Qərəzlərini gizlədə bilməyənlər də bunu yaxşı bilir və təşkilata göstərilən qayğıdan, nüfuzunun daha da artmasından ciddi narahatlıq keçirirlər.

Qarayaxma kompaniyası aparanların və dəstəkçilərinin məqsədli cəhdlərinə baxmayaraq, Respublika Veteranlar Təşkilatı və onun yerli təşkilatları bütün iş istiqamətləri üzrə fəaliyyətlərini inamla davam etdirirlər və keçirdikləri tədbirlərin əhatə dairəsini günbəgün genişləndirirlər. Təşkilatın ətrafında böhtan və yalan yayanlar yalnız özlərini ifşa edirlər və edəcəklər.

Təşkilatımızın sədri, hörmətli generalımız Dadaş Rzayevə isə Allahdan şəfa diləyir, tezliklə öz işinə qayıdaraq mənəviyyata və əxlaqa sığmayan əməl sahiblərinin qara niyyətlərini gözündə qoymasını arzu edirik.

Bakı şəhər veteranlar təşkilatı sədrləri:

1.Binəqədi rayon VT-nin sədri Hətəmov Telman İsi oğlu

2.Xəzər rayon VT-nin sədri İbrahimov Nüsrət Şahbaz oğlu

3.Xətai rayon VT-nin sədri Məhərrəmova Nəcibə Səlim qızı

4.Qaradağ rayon VT-nin sədri Məmmədov Əli Nəbi oğlu

5.Nərimanov rayon VT-nin sədri Hüseynov Alı Feyzi oğlu

6.Nəsimi rayon VT-nin sədri Fərəcov İsmayıl Mövsüm oğlu

7.Nizami rayon VT-nin sədri Ağayev Yəhya Ağaqulu oğlu

8.Sabunçu rayon VT-nin sədri Mirzəyev Elxan Abbasqulu oğlu

9.Səbail rayon VT-nin sədri Ağayev Ömər Ağacahangir oğlu

10. Suraxanı rayon VT-nin sədri Rüstəmov Eldar Alməmməd oğlu

Miq.Az