Bakıdakı "Laçın" mağazasında qadını soyan adam tutuldu

Bakıda soyğunçuluq hadisəsi qeydə alınıb.

Lent.az Bakı Şəhər Baş Polis İdarəsinə istinadən xəbər verir ki, sentyabrın 7-də saat 16:30 radələrində "Laçın” mağazasında qızıl satışı şöbəsində Nərminə Cəlilovanın bir cüt qızıl sırğası soyğunçuluq yolu ilə talanıb.

Pirallahı RPŞ əməkdaşlarının keçirdikləri əməliyyat-axtarış tədbirləri nəticəsində cinayətdə şübhəli bilinən Ağdam rayon sakini, əvvəllər məhkum olunan, 1972-ci il təvəllüdlü Zahid Tofiq oğlu Qarayev tutulub.

Faktla bağlı CM-nin 180-ci maddəsi ilə cinayət işi başlanıb.