Bu gün günorta saatlarında Nəsimi rayonu, Nizami küçəsi 118-də, beşmərtəbəli binanın blokunda təxminən 2-3 metrlik qara rəngli ilan peyda olub.

İstiPress xəbər verir ki, bina sakinlərinin salamnews-a verdiyi məlumata görə, Fövqəladə Hallar Nazirliyinə zəng edilsə də, Nazirlikdən ilanın zərərsizləşdirilməsinin yerli rayon icra hakimiyyətinin işi olduğu bildirilib.

Blokun sakinləri təşviş içində mənzillərini tərk ediblər.

Hadisə yerinə Nəsimi rayonu Polis İdarəsi 22-ci polis bölməsinin əməkdaşları cəlb edilib və əhalinin təhlükəsizliyini təmin etməklə məşğuldular.