Bankda kütləvi işçi ixtisarı

Avropanın ən böyük bankı sayılan HSBC xərclərini azaltmaq və biznesi sadələşdirmək məqsədilə ixtisarlar edir. Bankın dünya boyu 25000 iş yerini ixtisar edəcəyi gözlənilir. Bu isə HSBC-nin 266000 işçisindən təxminən 10 faizinin iş yerini itirəcəyi deməkdir.

Virtualaz.org saytı BBC-yə istinadən xəbər verir ki, bankın həmçinin Britaniyadakı əməliyyatlarını “təcrid edəcəyi”, Türkiyə və Braziliyadakı bizneslərini satacağı bildirilib.
Xəbər bankın icraçı direktoru Stuart Qulliverin investorlar və analitiklər qarşısında edəcəyi təqdimatdan əvvəl gəlib.
Analitiklər hesab edir ki, iş yerlərinin ixtisarı heç də düzgün həll yolu deyil.
10 bənddən ibarət plan xərcləri 5 milyard dollara qədər azaltmaq və Asiyada, xüsusilə də Çində investisiyaları artırmaq məqsədini daşıyır.
Vətəninfo.az