Bakupost.az Türkiyə mediasına istinadən bildirir ki, Binəli Yıldırım Zəngilan Hava Limanına gedərkən yol qəzası keçirib. Qəzaya maşının ön təkərinin partlaması səbəb olub. Hadisə nəticəsində Binəli Yıldırımla yanaşı, avtomobildə olan millət vəkili Şamil Ayrım da yüngül xəsarət alıb.

Konvoydakı digər şəxslər onları avtomobildən çıxarıblar. Prezidentin sağlamlıq qrupu tərəfindən onlara ilk yardım edilib.

Səhhətləri yaxşı olan Binəli Yıldırım və Şamil Ayrım helikopterlə Bakıdakı xəstəxanaya aparılıb. Nəzarət məqsədilə onları həkimlər qrupları müşayiət edib.

Prezident Ərdoğanın da Binəli Yıldırımın sağlamlıq durumunu yaxından izlədiyi qeyd olunur.