”Bir Dünya İstəyirəm!”

Qənirə Paşayeva və Tünzalə Ağayevadan yeni layihə: ”Bir Dünya İstəyirəm!”

Veteninfo.az xəbər verir ki, yanvar ayının 17-də sözləri millət vəkili  Qənirə  Paşayevaya,  musiqisi  Əməkdar  artist  Tünzalə Ağayevaya aid olan “Bir Dünya İstəyirəm” adlı mahnının və klipin təqdimatı keçiriləcək. Klipin rejissoru Ülviyyə Könül,  modelyer-stilisti  Gülnarə  Xəlilovadır. Mahnıda “Noğullar” uşaq vokal qrupu iştirak edir, qrupun rəhbəri Məryəm və Natiq Qəzənfəroğlu ailəsidir. 20 Yanvar faciəsinin 23-cu ildönümü ərəfəsində təqdim olunacaq “Bir Dünya İstəyirəm” mahnisi Vətən uğrunda şəhid olan insanlarımızın, dünyada bu günümüzdə də davam edən soyqırımların, savaşların, təcavüzlərin, onların doğurduğu fəlakətlərin, aclıqların qurbanı olan milyonlarla insanların, uşaqların, körpələrin  əziz xatirəsinə bir ithafdir. Bu mahnı insan övladı öz əli ilə törətdiyi bəlaların fərqinə varsın, düşünsün deyə bir hayqırtı, övladlarımızın sevgi, hüzur dolu bir dunyada  yaşamaq istəyinin bir ifadəsidir, Rəbbimizə bir duadir. Əziz dostlar, arzu edənlər təqdimatda iştirak edə bilərlər. Təqdimat yanvarın 17-də saat 11-də Beynəlxalq Mətbuat Mərkəzində keçiriləcək.