Bu bank 4 milyard dollar cərimə oluna bilər

Almaniyanın nəhəng bankı hesab edilən "Deutsche Bank” 4 milyard Amerika dolları məbləğində cərimə oluna bilər.

AZƏRTAC "Spiegel-online” jurnalına istinadla xəbər verir ki, buna səbəb kimi "Deutsche Bank”ın ABŞ-ın Rusiyaya qarşı maliyyə sanksiyasını pozmaqda yardımçı rol oynaması göstərilir. Avropanın dörd ölkəsində başlayan istintaqın iddiasına görə, "Deutsche Bank”ın bankirləri müştərilərinə Rusiya rubluna alınan aksiyaların Avropada satışına yardım göstəriblər. Alman bankı bu yolla pulların yuyulmasına və qanunsuz yolla Rusiyadan Avropaya transferində başlıca rol oynayıb.

Avropa və ABŞ-da tədqiqatın icrasına təkan verən amil isə Rusiya Mərkəzi Bankının bütün bu müəmmalı əməliyyatlar barədə açıqladığı məlumat olub. Rusiya tərəfi iddia edir ki, satışa çıxarılan şübhəli aksiyaların ümumi dəyəri 6 milyard dollardır.