"Bu məsələ ilə bağlı artıq hökumətə müraciət etmişik"

Azərbaycan Dövlət Neft Şirkəti (SOCAR) Heydər Əliyev adına Neft Emalı Zavodunun yenidənqurma işləri aparmaqla ömrünün 2030-cu ilədək uzatmaq qərarına gəlib. Vətəninfo.az "Report"a istinadla xəbər verir ki, bunu SOCAR-ın prezidenti Rövnəq Abdullayev bildirib.

R.Abdullayev qeyd edib ki, bu layihənin maliyyələşdirilməsi məqsədlə Mərkəzi Bank vasitəsilə dövlət zəmanəti əsasında kreditin ayrılması üçün SOCAR artıq hökumətə müraciət edib.

"Dövlət zəmanəti və gələcəkdə dövlət büdcəsindən ayrılmaq şərti ilə təxminən 1,2 mlrd. manata yaxın kredit cəlb olunacaq. Bu məsələ ilə bağlı artıq hökumətə müraciət etmişik", - deyə Dövlət Neft Şirkətinin prezidenti bildirib.