Ermənistan ordusunun iki əsgəri məhv edilib.

 

Axar.az xəbər verir ki, bu barədə informasiyanı Qarabağ separatçıları yayıb. Hər iki şəxs Ermənistan ordusunun atəşkəsi pozmasından sonra Azərbaycanın Ordusunun açdığı atəş nəticəsində ölüb. Onların 1992-ci il təvəllüdlü Tiqran Poqosyan və 1972-ci il təvəllüdlü Aram Aruşanyan olduğu bildirilib. Hər iki hərbçi muzdludur.

 

Qeyd edək ki, dünən erməni hərbi birləşmələri atəşkəs rejimini 113 dəfə pozub. Ermənilər həmçinin dünən saat 01.05-dən başlayaraq 04.25-ədək Tərtər şəhəri və rayonun ərazisi, eləcə də Qapanlı kəndini 82 və 120 millimetrlik minaatanlardan, həmçinin 122 millimetrlik D-30 haubitsalarından və BM-21 yayılım atəşli reaktiv sistemlərdən atəşə tutublar. Azərbaycan Silahlı Qüvvələri əməliyyat şəraitinə uyğun olaraq düşmənin ancaq hərbi obyektlərinə adekvat cavab zərbələri endirib. Müdafiə Nazirliyi isə bundan sonra cəbhə xəttində baş verəcək hər hansı hadisəyə görə məsuliyyəti Ermənistanın kriminal hərbi-siyasi rəhbərliyinin daşıyacağını bildirib.