Cüdo Federasiyası yalanladı

Bir çox mətbuat səhifələrində  Azərbaycan Cüdo Federasiyasının İsrail cüdoçusu Elis Şlezingeri milli yığma komandaya dəvət etdiyini və bu təklifin cüdoçunun Bakıya səfəri zamanı baş tutduğunu bildirirlər.

Azərbaycan Cüdo Federasiyasının mətbuat xidmətindən Vətəninfo.az-a verilən məlumatda deyilir ki, Ümummilli lider Heydər Əliyevin 90 illik yubileyinə həsr edilən “Grand Slam” beynəlxalq cüdo turnirindən sonra keçirilən təlim-məşq toplantısında bir sıra ölkələrin cüdoçuları o cümlədən İsrail idmançıları da iştirak etmişlər. Azərbaycan Cüdo Federasiyası tərəfindən Elis Şlezingerə milli komandaya dəvətlə bağlı heç bir təklif edilməmiş və gələcək planlarda da nəzərdə tutulmayıb.
 Bir daha KİV və mətbuat nümayəndələrindən Azərbaycan cüdosu ilə bağlı məlumatları yayarkən Azərbaycan Cüdo Federasiyasının mətbuat xidmətinə istinad etmələrini xahiş edirik.

Vətəninfo.az