Daha bir ulduz futbolçu "Beşiktaş"ın hədəfində

Yeni mövsüm üçün heyətini gücləndirməyi planlaşdıran "Beşiktaş" klubu növbəti transfer hədəfini açıqlayıb. “Vətəninfo.az”ın Türkiyə mətbuatına istinadən verdiyi məlumata görə, "qara qartal" bu dəfə "Bavariya"nın hücumçusu İvisa Oliçə "elçi" düşüb. Ronaldinyo və Vebo ilə yanaşı, Oliçi də transfer etməyi planlaşdıran "Beşiktaş" rəhbərliyi maliyyə problemləri ucbatından daha çox müqaviləsi başa çatan futbolçulara üz tutur. Xorvatiyalı futbolçunun mövsümün sonunda "Bavariya" ilə müqaviləsinin başa çatması da "Beşiktaş"ın işinə yarayır. Qeyd edək ki, 2009-cu ildən "Bavariya"da çıxış edən 32 yaşlı futbolçu keçirdiyi 53 oyunda 13 qola imza atıb.