DAK-ın qurultayına turist kimi gedənlərə viza verilmədi

Aprelin 28-29-da Belçikanın paytaxtı Brüssel şəhərində Dünya Azərbaycanlıları Konqesinin (DAK) Birlik Qurultayı keçiriləcək. Qurultaya Azərbaycandan da xeyli nümayəndənin iştirakı gözlənilirdi. Lakin Avropaya - şengen ölkələrinə səfər etmək üçün İtaliyanın Azərbaycandakı Səfirliyinə müraciət edənlərin heç birinə viza verilməyib. Etibarlı mənbələrdən “Vətəninfo”az” daxil olan məlumata görə, buna səbəb müraciət edənlərin ərizədə turist vizası istəməsi olub. Məsələ ilə bağlı DAK-ın qurultaya hazırlıq üzrə təşkilat komitsəsinin üzvü, keçmiş millət vəkili Baba Tağıyevlə əlaqə saxladıq. O, bildirdi ki, kimlərin viza almaması haqqında dəqiq məlumatı yoxdur: “Mən bilmirəm kimlərə, nəyə görə viza verilməyib. Lakin mənimlə birlikdə 35 nəfər viza almışıq və qurultaya qatılacağıq”. 

Oral MƏDƏNÇİ