Dünya şöhrətli yazıçı vəfat etdi

Vətəninfo.az  xəbər verir ki, Nobel mükafatı laueratı, Kolumbiya yazıçısı Qabriel Qarsiya Markes (Gabriel Garcia Marquez) 87 yaşında Meksikada vəfat edib. Bu barədə BBC yazıçının ailəsinə yaxın mənbəyə istinadən məlumat verib. Qeyd edək ki, yazıçı pnevmaniyadan əziyyət çəkirdi.  O, bir müddət öncə xəstəxanaya da yerləşdirilmişdi.
Qabriel Qarsiya Markes 1928-ci ildə Kolumbiyanın Arakataka şəhərində anadan olub. 18 yaşında Sipariki internatında oxuduğu dövrdə ilk dəfə yazmağa başlayıb. 1950-ci ildə hüquq fakültəsində təhsilini yarımçıq buraxıb özünü bütövlükdə ədəbiyyata və jurnalistikaya həsr etmək qərarı verib.
Beləliklə, ən böyük romanı olan, 16 il sonra "Yüz ilin tənhalığı" adlanacaq "Ev"i yazmağa başlayıb.
"Gözlənilən bir qətlin qısa tarixçəsi", "Palkovnikə məktub yoxdur", "Patriarxın payızı", "Vəba dövründə məhəbbət" və başqa əsərlərin müəllifidir.
1982-ci ildə Ədəbiyyat üzrə Nobel mükafatı alan yazıçı maqik realizm cərəyanın yaradıcılarından hesab olunur.  
Məlumata görə, Kolumbiya prezidenti Xuan Manuel Santos ölkədə 3 günlük mətəm elan edib. “Qabriel Qarsiya Markes ölkəmizin bütün tarixi boyunca vətənin adını ən yüksəyə qaldıran kolumbiyalı idi”, - deyə dövlət başçısı bildirib. Aprelin 21-də Mexikodakı Zərif Sənətlər Sarayında yazıçı ilə vida mərasimi keçiriləcək.

Vətəninfo.az