Əkrəm Əylislinin "xalq yazıçısı" statusu ləğv edilməlidir!!!

Bu adam Azərbaycanın xalq yazıçısı ola bilməz!!!

Əkrəm Əylislinin son romanı olan- “Daş yuxular”ında yer alan "Köpək uşağı qaçqınlar… 5-6 yeraz gədəsi…" fikirləri təhqir deyil, bəs nədir? Azərbaycan xalqına böyük şəxsiyyətlər yetişdirmiş bir bölgəsini-Qarabağı və onun ətraf rayonlarından qaçqın düşmüş insanını bu ifadələr alçaltmır, bəs nə edir? Qərbi Azərbaycandan yüzlərlə böyük şəxsiyyətlər yetişib. Bu bölgənin nümayəndələrinə "gədə" demək təhqir deyil, bəs nədir? Əkrəm Əylisli demək olar ki, üst-üstə milyonlarla insanı təhqir edib.

Bu gün isə Əkrəm Əylislinin mətbuata verdiyi açıqlamasını oxudum. Bu adam bütün müsahibə boyu özünün haqlı olduğunu və hətta "ermənilərin başını kəsdiyimizi" deyir...
Dünən və bu gün də Ermənistan mətbuatı Əkrəm Əylisliyə istinad ediblər. Ermənilər sevinir ki, "Azərbaycanın xalq yazıçısı ermənilərin başını kəsdiyini təsdiq edir".

Artıq mən Əkrəm Əylislini Azərbaycanın xalq yazıçısı hesab etmirəm!!! Məncə, onun bu statusu əlindən alınmalıdır!!! İstəmirəm, ermənilər yazsın:"Azərbaycanın xalq yazıçısı Əkrəm Əylisli".