Əli Kərimli: “Hakimiyyət öz hüquqları uğrunda mübarizəyə qalxan hər bir vətəndaşa düşmən kimi yanaşır”

Soyğunçu siyasətlə razılaşmayıb, etiraz aksiyası keçirən Binədəki ticarətçilər də həbs olundu. Hökumət insanların şikayətlərini dinləmək, problemlərini həll etmək əvəzinə onları döyür, həbs edir.

Qarabağ qaziləri, taksi sürücüləri, dindarlar, evi sökülənlər, gənc fəallar da hüquqlarını tələb etdikləri üçün repressiya olunmuşdular. Ayrılıqda istənilən təbəqəni, qrupu əzib, xalqın gözünü qorxuda bilirlər. Nəhayət, bu prosesi durdurmalıyıq. Repressiya olunanları birlikdə müdafiə etməliyik. Hamı- hüquq müdafiəçiləri, siyasi partiyalar, gənc fəallar azadlıq istəyən ticarətçilərə dəstək verməlidirlər. 12 yanvar aksiyasına görə cərimələnmiş gənclərə verilən dəstək Binə ticarətçilərinə də şamil olunmalıdır. Hər bir azərbaycanlı əmin olmalıdır ki, hüquqları uğrunda mübarizəyə başlayacağı təqdirdə meydanda tək qalmayacaq.

Rəqsanə Yusifzadə